Ведутся работы по реконструкции проекта

«1000 добрых дел #ДОБРЫЙСУНТАРСКИЙУЛУС» акция бэлиэтэ Сиэйэ нэhилиэгэр ыалдьыттаата

01.08.2018
Количество показов: 40

Дойдубутугар биллэриллибит волонтер сылынан уонна Сахабыт сиригэр норуот көҕүлээһинин күнүн чэрчитинэн саҕаламмыт «1000 добрых дел #ДОБРЫЙСУНТАРСКИЙУЛУС» акция бэлиэтэ Сиэйэ нэhилиэгэр ыаллыы сытарТүбэй-Дьаархан нэһилиэгиттэн тутан ыам ыйын 10 күнүттэн 23 күнүгэр дылы ыалдьыттаата. Бу акцияҕа нэhилиэк тэрилтэлэрэ туора турбакка, ону ааhан кырдьаҕастар эмиэ кыттыыны ыллылар. Акция бэлиэтэ нэһилиэк бары тэрилтэлэригэр иккилии күн туран эстафета быһыытынан айаннаата.

Республика дьонун    аймаабыт халлаан уутуттан эмсэҕэлээбит Амма уонна Таатта улуустарыгар олорор биир дойдулаахтарбытыгар Симонова Оксана Анатольевна, Николаева Анна Валерьевна, Артемьева Дария Семеновна дьиэ кэргэттэригэр уопсайа 93100 солкуобай харчы хомуллан көмө оҥоһулунна.

«Дьулуур» ыччаттар түмсүүлэрэ сэрии ветеранын Илларионов Кузьма Иванович огдообото, тыыл ветерана Анна Николаевна дьиэ кэргэнин, соҕотох олорор III группалаах инбэлиит Петров Виктор Семенович тэлгэhэлэрин ыраастаатылар. Сиэйэ күтүөтэ, ыараханнык ыалдьыбыт элбэх оҕолоох эдэр ыал аҕата Альберт Кондратьев эмтэнэригэр аһымал акция концердын көрдөрөн киирбит үбү - 11550 солкуобайы дьонноругар туттардылар.

 


«Кэрэли» дьүөгэлиилэр түмсүүлэрэ соҕотох аҕаларга Илларионов Владислав Кузьмич, Семенов Владимир Михайлович, Архангельскай Анатолий Анатольевич оҕолоругар анаан бурдук ас арааһын астаан, минньигэс ас хомуйан Ньукуолун күнүгэр тарҕаттылар.

 

«Радуга» детсад коллектива бииргэ өр кэмҥэ үлэлээбит коллегаларын Елизавета Михайловна Степанова оҕолоругар Григорий Михайловичка продуктанан, Сунтаарга олорор элбэх оҕолоох уолугар Виталий Михайловичка таҥаһынан көмө оҥордулар.

 

 

«Сарыал» детсад коллектива инвалид Михайлов Валерий Николаевич дьиэ кэргэнигэр ас астаан көмөлөстүлэр.

4№-дээх баһаарынай чаас коллектива Байанай бэлэҕин 11 куулу кырдьаҕастарга Ньукуолун күнүнэн бэлэх ууннулар. Кырдьаҕастар үөрүүлэрэ муҥура суох.

 

Быйыл тэриллибитэ 95 сылын көрсөөрү сылдьар балыыһа коллектива өр сылларга бииргэ үлэлээбит ветеран үлэһиттэригэр Марфа Прокопьевна Архангельская, элбэх оҕолоох Иванов Николай Геннадьевич дьиэ кэргэттэригэр продуктанан көмө оҥордулар. Тыыл ветерана Марфа Ивановна Михайлова дьиэ кэргэнин тэлгэһэтин хомуйдулар.

 

 

М.Н. Анисимов аатынан Сиэйэ орто оскуолатын коллектива Сунтаардааҕы коррекционнай оскуолатыгар кинигэ хомуйан туттардылар. Ыам ыйыгар Сунтаартан Туойдаахха туораан иһэн суорума суолламмыт элбэх оҕолоох эдэр ийэ тулаайах хаалбыт оҕолоругар таҥас-сап хомуйа сылдьаллар. Сиэйэ олохтоохторо, элбэх оҕолоох Надежда Николаевна, Василий Парфеньевич Степановтар оҕолоро лааҕырга сынньана баралларыгар харчынан көмө оҥоһулунна.

 

Ю.Гурьева атынан культура киинэ уонна олохтоох дьаһалта коллективтара Ыһыахтыыр парканы ыраастаатылар. Сэрии ветерана, нэһилиэк Бочуоттаах олохтооҕо Степанов Прокопий Афанасьевич тэлгэһэтин хомуйдулар, музей сэбиэдиссэйэ Октябрина Прокопьевна Максимова сүүрбэччэ ыалга босхо рассада үүннэрэн түҥэттэ.

 

Олохтоох дьаһалта кыргыттара соҕотох олорор үлэ ветерана Исаева Нина Дмитриевна тэлгэһэтин ыраастаан, хомуйан биэрдилэр.

Бу курдук акция бэлиэтэ нэһилиэккэ ыалдьыттааһына үбүлүөйдээх Сиэйэ, уруккута Бутукай нэһилиэгэ төрүттэммитэ 125 сылын көрсө биир чаҕылхай тэрээһинэ буолла.

Салҕыы бэлиэ Күүкэй нэһилиэгэр айаннаата.

Количество показов: 40

Возврат к списку