Сахалыы диктаҥҥа ыҥырабыт

04.02.2019
Количество показов: 4
Олунньу 13 күнэ - төрөөбут тыл уонна сурук-бичик күнэ


Саха Республикатын Национальнай библиотеката уонна М.К.Аммосов аатынан Хотугулуу-Илиҥҥи федеральнай университет Хотугулуу-Илиҥҥи олохтоох омуктар тылларын уонна култуураларын уөрэтэр института бу кэрэ-бэлиэ күн чэрчитинэн олунньу ый 9 күнүгэр күнүс 14.00 чаастан "Сахалыы диктант" диэн акцияҕа ыҥыраллар.


Фото СВФУ

Бу акция Саха Республикатын Национальнай библиотекатын көҕүлээһининэн, М.К.Аммосов аатынан ХИФУ өйөөһүнүнэн 2014 сылтан ыытыллар. Акция сыалынан-соругунан буолар:

- Тылы таба суруйуу, сурук бэлиэтин сөпкө туруоруу үөрүйэхтэрэ олохсуйалларын ситиһии;

- Сахалыы тыл-өс культурата үрдүүрүгэр дьон-сэргэ болҕомтотун тардыы;

- Төрөөбүт тылга харыстабыллаахтык сыһыаннаһыы;

- Ийэ тылбыт үүнэн-сайдан иһэригэр күүс-көмө буолуу.

Сахалыы диктаны суруйуу библиотека 4 саалатынан ыытыллар.


Фото СВФУ

250-300 тылтан турар тиэкиһи Дьокуускай куорат 26 нүөмэрдээх оскуолатын саха тылын уонна литературатын учуутала М.Н. Борисова, Национальнай библиотека үлэһитэ Л.И. Кычкина, Саха көрдөрөр-иһитиннэрэр хампаанньатын ыытааччыта О. Колесов-Талбан, Саха Республикатын Правительствотын диктора, телевидение ыытааччыта Н. Егорова ааҕыахтара.

Олунньу ый 7 күнүгэр 18.30 чаастан консультацияҕа ыҥырабыт (Библиотека 4 этээһэ).

Диктант буолар сирэ: СР Национальнай библиотеката, Ленин проспегын 40 нүөмэрэ (Октябрьскай уулусса өттүнэн киириллэр).

Хас биирдии кыттааччы уруучукалаах кэлэргитин умнумаҥ.

Количество показов: 4


Возврат к списку