Саҥа тыын: Үөһээ Бүлүү Далыр нэһилиэгэр 80-с сылларга үлэлии сылдьыбыт лааҕыр сөргүтэн арылынна

Саҥа тыын: Үөһээ Бүлүү Далыр нэһилиэгэр 80-с сылларга үлэлии сылдьыбыт лааҕыр сөргүтэн арылынна | Государственное Собрание (Ил Тумэн)
17.07.2019
Количество показов: 16
От ыйын 16 күнүгэр Ил Түмэн наука5а, үөрэххэ, култуура5а, сонуну тар5атар ситимнэргэ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Феодосия Габышева уонна үөрэх уонна наука миниистирин солбуйааччы Владимир Тихонов кыттыылаах Үөһээ Бүлүү Далыр нэһилиэгин Трудовой учаастагар 80-с сылларга үлэлии сылдьыбыт лааҕыр сөргүтэн арылынна.
 

 

Лааҕыр урукку аатын «ТРУДОВОЙ-81» диэни илдьэ хаалла. Күн бүгүн, бастакы сезоҥҥа 60 оҕо, улуус араас нэһилиэктэриттэн 14 күн хоно сытан сылдьаллар. Оҕолору 14 үлэһит көрөр-истэр, үөрэтэр, аһатар. Күҥҥэ 5 аһыыллар, үүт ас Трудовой маслоцеҕыттан уонна Үөһээ Бүлүү пищекомбинатыттан күн аайы сибиэһэйдии хааччылла турар. Эт, балык астар Далыртан, Мэйиктэн хааччылла турар. Күн аайы анал программанан тренердар, психологтар быраас кэтэбилинэн оҕолору дьарыктыыллар. Лааҕыр бары өттүнэн толору хааччылынна, ороннор Дьокуускай куоракка омук маһынан анал бырайыагынан «Марсель», остуол, олоппос, вещалка, индивидуальнай о5олор ячейкалара  «Үс кут» хампаанньаларга оҥоһулуннулар. Тэллэх, сыттык, суорҕан, покрывало хаачыстыбатын талан ылылынна.

 

Элбэх үлэни Далыр, Мэйик, Боотулуу, Оҥхой, Хоро, Дүллүкү оскуолаларын коллективтара үллэстэн үлэлээтилэр. Далыр олохтоохторо күргүөмүнэн тахсан хомуйуу үлэтигэр сырыттылар. Маны таһынан, үөрэх салалтата, бокса оскуолата, оҕо технопарката, ДЮСШ үлэлэстилэр. Дьиҥ чахчы коллективнай үлэ буолла, барыгытыгар махтанабын.

 

«Лааҕыр тэрийэр сорукпун өйөөбүт дьоммор улуус баһылыгар Владимир Поскачиҥҥа, кини бастакы солбуйааччытыгар Семен Михалевка, улуус сэбиэтин бэрэссэдээтэлигэр Николай Николаевка махталбын биллэрэбин.

 

Тус махталбын урбаанньыттарга Семен Тумусовка, Светлана Сортоловаҕа, Николай Еттяновка уонна паром хаһаайыттарыгар кыһыл тылбар эрэнэн иэс-күүс сээкэй биэрбиттэригэр, таспыттарыгар биллэрэбин. Семен Тумусов өрүс уҥуор маҕаһыыннардааҕа олус абыраата, түүннэри-күннэри баҕарбыппытынан астаран ылан лааҕыр кэмигэр арылынна. РЭС үлэһиттэригэр туспа махтаныахха наада, уот линиятын саҥаттаан тардан, ыйбыт сирбитигэр кырааскалаах баҕаналары туруоран саамай улахан кыһалҕаны, ититиини быһаардыбыт, билигин дьиэ барыта конвекторынан сылыйар, душтар итии-тымныы уулаахтар, кухня толору хааччыллыылаах, бассейн уутун ыраастыыр улахан насоһа, фильтра уокка холбоннулар.

 

Саамай улахан махталбын уонна сөхпүппүн Далыр, Трудовой олохтоохторугар. Сэбиэскэй кэм баайын лааҕыры ыспакка, алдьаппакка күн бүгүнүгэр диэри тириэрдибиттэригэр, аһара баран дьиэлэргэ былыргы люстралара кытары ыйанан тураллар этэ, онон бу лааҕыр түргэнник үлэҕэ киирдэ», - диэн Үөрэх салалтататын салайааччыта Спиридон Борбуев кэпсээтэ.

 

Ил Тумэн пресс-сулууспата


Количество показов: 16

Возврат к списку
Обратите внимание

Другие новости текущего источника информации
Загрузка