Төрүт дьарык - сылгыны үөрдээн иитии - төлкөтүн тула кэпсэтии таҕыста

23.04.2019
Количество показов: 63
Муус устар 26 күнүгэр Ил Түмэн тыа сиригэр уонна аграрнай политикаҕа сис кэмитиэтин мунньаҕа буолла. Мунньах сылгыны үөрдээн итии боппуруостарыгар өрөспүүбүлүкэ сокуонугар уларытыылары киллэрии тула барда.
 

 

Тэрээһини кэмитиэт бэрэссэдээтэлэ, норуот дьокутаата Андрей Находкин иилээн-саҕалаан ыытта. Мунньахха Ил Түмэн тыа сиригэр уонна аграрнай политикаҕа сис кэмитиэтин иһинэн тэриллибит экспертнэй сэбиэт чилиэттэрэ төбүрүөннээн олорон, сокуоҥҥа туох уларытыылар киирдэхтэринэ, саха төрүт үгэһэ - сылгы иитиитэ сайдар кэскиллээҕин, туох үлэ ыытыллыахтааҕын дьүүллэстилэр.

 

"Саха Өрөспүүбүлүкэтигэр тыа хаһаайыстыбатын сайдыытын туһунан" өрөспүүбүлүкэтээҕи сокуон 2016 сыл муус устар 26 күнүгэр ылыллыбыта. Бу сокуоҥҥа олоҕуран, Ил Дархан «Сылгыны үөрдээн иитиини сайыннарар дьаһаллар тустарынан» ыйааҕы таһаарбыта.

 

Маннык дьоһун сокуоннар, дьаһаллар саха сылгытын кэскилин түстүүр аналлаахтар. Онон сокуоҥҥа уларытыылар бары өттүттэн үөрэтэн, сиһилии көрүллэн оҥоһуллуохтаахтар. Манна сылгы иитиитин боппуруостарыгар үлэлии-хамсыы сылдьар дьон, саха сылгытын дьылҕатыгар чахчы кыһаллар, сүрэхтэринэн ыалдьар дьон кыттыылаах буолан, олус сэргэх кэпсэтии таҕыста. 

 

Ол курдук, сылгыһыт статуһун, сир боппуруостарын, ветеринария уонна сылгы бородууксуйатын батарыы тула аһаҕас кэпсэтии барда. 

 

Сис кэмитиэт сылгыга экспертнэй сэбиэтэ сокуоҥҥа чуолаан туох уларытыылары киллэрэргэ былааннаабытын сиһилии «Ил Түмэн» хаһыат кэлэр нүөмэригэр ааҕыҥ.


Количество показов: 63

Возврат к списку
Обратите внимание

Другие новости текущего источника информации