А.И.Слепцов кэриэһигэр турнир

А.И.Слепцов кэриэһигэр турнир | Администрация МР Абыйский район
18.04.2019
Количество показов: 77

Бу күннэргэ Үрүҥ Хайаҕа аан бастакытын, ССРС спордун маастарыгар кандидат, Российскай Федерация үөрэҕириитин Бочуоттаах үлэһитэ, Саха Республикатын үөрэҕириитин туйгуна, Абый улууһун спордун ветерана, тапталлаах кэргэн, амарах аҕа, элэккэй эһээ, үтүө доҕор – табаарыс, аймах, Алексей Иннокентьевич Слепцов кэриэһигэр оҕолорго уонна улахан дьоҥҥо Индигир  улуустарын икки ардыларынааҕы турнир бэрт тэрээһиннээхтик буолан ааста. Турнир оҕо спортивнай оскуолатын үлэһиттэрэ көҕүлээһиннэринэн,  Алексей Иннокентьевич алтыспыт доҕотторо, аймахтара, тэрийсиилэринэн ааста. Манна ыаллыы сытар Муома, Аллайыаха улуустарын эдэр тустуук оҕолоро, Абый, Үрүҥ Хайа, Кэбэргэнэ, Ураһалаах оҕо спортивнай оскуолатын иитиллээччилэрэ, итиэннэ Оттоох Атах учаастагын улахан дьоҥҥо бэрэстэбиитэллэрэ кыттыбыттара хайҕаллаах.

Күрэхтэһии үөрүүлээх чааһын арыллыытыгар Алексей Иннокентьевич туһунан элбэх истиҥ-иһирэх тыл этилиннэ, кини олоҕун кэрдиис кэмнэрин туоһулуур хаартысканан үс түһүмэхтээх слайд көрдөрүлүннэ. Улуус дьаһалтатын баһылыгын бастакы солбуйааччы В.Н.Слепцов, бииргэ үлэлээбит ветеран учууталлар С.Н.Борисов, М.К.Ушницкай,  бииргэ төрөөбүт эдьиийэ Светлана Иннокентьевна, Алексей олоҕун, сиэрдээх, чиэһинэй, үлэһит, сытыары сымнаҕас майгылаах, эйэҕэс мичээрдээх, көрсүө-сэмэй табаарыс, байанайдаах булчут, гитаратын туппутунан сылдьар ырыа куттаах киһи буоларын иһирэхтик аҕыннылар.

Күрэххэ уопсайа 60-тан тахса бөҕөс 12 ыйааһыҥҥа күөн көрүстэ. Тыҥааһыннаах киирсии түмүгүнэн, бэйэлэрин ыйааһыннарынан маннык бириистээх миэстэҕэ тигистилэр: 28 киилэлээхтэргэ 1 миэстэ Рожин Кеша, 2 м Дуткин Богдан (иккиэн Аллайыахалар), 3 м Салаткин Айсен (Абый орто оскуолата);   30 кг 1 м Аммосов Дима (Үрүҥ Хайа орто оскуолата), 2 м  Иванов Тима (Аллайыаха), 3 м Черов Антон (Муома); 33 кг 1 м Новиков Дьулус, (Үрүҥ Хайа гимназията), 2м. Щелканов Степа (Ураһалаах орто оскуолата), 3 м Павлов Рустам (Аллайыаха); 36 кг 1 м Ильин Андрей, 2 м Слепцов Лазо (иккиэн Муомалар), 3 м Соломов Тимур (Үрүҥ Хайа орто оскуолата); 40 кг 1 м Хабаров Сергей (Муома), 2м Лавров Кирилл (Үрүҥ Хайа гимназията), 3 м Рязанский Оскар (Майыар орто оскуолата); 45 кг. 1 м Колесов Роберт (Аллайыаха), 2 м Зароявняев Сеня (Ураһалаах орто оскуолата); 50 кг 1 м Павлов Сеня (Муома), 2 м Дохунаев Егор, 3 м Рязанский Алеша (иккиэн Абый орто оскуолатыттан); 55 кг 1 м Монгуш Аяс (Үрүн Хайа гимназията), 2 м Сергеев Сеня (Муома), 3 м Березкин Коля (Аллайыаха); 60 кг 1 м Васильев Кеша (Абый орто оскуолата), 2 м Гаракашиев Равшан (Үрүҥ Хайа орто оскуолата), 3 м Бурнашев Игорь (Аллайыаха).

Улахан дьон тустуутугар, 70 кг диэри туһааннааҕынан Айдыс Монгуш (Үрүҥ Хайа), Богдан Забара (Аллайыаха), Гаврил Никулин (Оттоох Атах) буоллулар.

“Хапсаҕайга” оҕолорго 60 киилэҕэ диэри 1 м Гаракашиев Равшан (Үрүҥ Хайа орто оскуолата), 2 м Аввакумов Женя (Муома). 70кг диэри улахан дьоҥҥо 1 м Айдыс Монгуш, 2 м Егор Шкулев (иккиэн Үрүҥ Хайалар), 3 м Гаврил Никулин (Оттоох Атах).  70 кг. үөһэ улахан дьоҥҥо 1 м Новиков Александр (Үрүҥ Хайа). 2 м Никулин Дмитрий (Оттоох Атах). Итини сэргэ, «За лучшую технику» анал бирииһинэн Павлов Сеня (Муома), «За красивую схватку» номинациянан Гаракашиев Равшан, Васильев Кеша наҕараадаланнылар. С.И.Ефимова бэйэтин анал бириистэрин кыра тустууктарга Айсен Салаткиҥҥа уонна Дьулус Никулиҥҥа (иккиэн абыйдар) туттарда. ИП Гурьев А.Ю. харчынан бириэмийэтин бырааттыы Васильевтар тутан үөрдүлэр-көттүлэр. Тренер Новиков А.К. бэйэтин 5 иитиллээччилэригэр эмиэ анал бирииһин туттарда. Алексей кэргэнинээн Александралыын дьиэ кэргэн доҕотторо Светлана, Олег Соломовтар туруорбут убаһа бирииһин хаһаайынынан Айдыс Монгуш буолла.

Турнир биир үөрүүлээх, ураты түгэнинэн, хас биирдии ыйааһыҥҥа сыаналаах бириистэр олохтоммуттара буолар. Алексей Иннокентьевич чугас дьоно, аймахтара, бииргэ үөрэммит, алтыспыт доҕотторо-табаарыстара ис дууһаларыттан үөрэн, долгуйан туран, бары сыаналаах бириистэри олохтооннор, тустууктар махталларын ыллылар.

Ыйааһыннарынан кыайыылаахтар уонна призердар, спонсордардаабыт тэрилтэлэр уонна биирдиилээн дьон сыаналаах бириистэрин туттулар. Ол курдук, кинилэр ааттара: Абыйтан Хабаровтар дьиэ кэргэттэрэ, Алексей Иннокентьевич оскуолаҕа бииргэ үөрэммит табаарыстара, ИП Ребров Г.В. «Уютный дом» маҕаһыын, Антоновтар дьиэ кэргэттэрэ, Дьокуускай куораттан табаарыстара, В.П.Ефимов аатынан Үрүҥ Хайа орто оскуолатын коллектива, ИП «Мохсоҕол» Слепцов И.И., Алексей бэйэтин дьиэ кэргэнэ, Поповтар, Слепцовтар, Ефимовтар, нэһилиэк дьаһылтатын баһылыктара, оройуон дьаһалтата, Ушницкай М.К., Ефремов С.П., Неустроев О.В., Суздалов И.А.,  бииргэ үлэлээбит коллегалара:  Игнатьев Д.С., Новиков А.К., Черемкин С.В., Монгуш А.В., оскуола директордара, улуустааҕы үөрэх салаата, культура управлениета.

 

         Бэлиэтээн эттэххэ, Муома уонна Аллайыаха спортивнай оскуолатын иитиллээччилэрэ тустар таһымнара үрдүгүнэн, техникалара күүстээҕинэн, кыайыыга дьулуурдарынан, инники күөҥҥэ сылдьалларын тустууну таптааччылар бэлиэтии көрдүлэр. Онон, инникитин, оройуоммутугар спорт бу көрүҥүн сайыннарарга маннык күрэхтэһиилэр элбэхтик ыытыллалларыгар, үгүс уоппут тарҕанарыгар баҕа санаа этилиннэ, итиэннэ күүстээх үлэ, эппиэтинэс  эрэйиллэр.

 


Количество показов: 77


Возврат к списку
Обратите внимание

Другие новости текущего источника информации