БӨРӨЛӨӨХТӨР БАЛЫКСЫТТАР, БУЛЧУТТАР БИЭНСИЙЭЛЭРЭ ТОҔО ҮРДЭЭБЭТИН БЫРАБЫЫТАЛЫСТЫБАТТАН ТУОҺУЛАСТЫЛАР

11.04.2019
Количество показов: 16

аха Республикатын Бырабыыталыстыбатын отчуота ыраах сытар нэһилиэктэргэ Бөрөлөөххө уонна Быйаҥныырга буолан ааста. Хоту сир олохтоохторо булчуттарга, балыксыттарга биэнсийэ кээмэйэ тоҕо үрдээбэтин туоһуластылар.

Бөрөлөөххө Арктика сайдыытын уонна хотугу норуоттар дьыалаларын министрэ А.А. Саввинов салайааччылаах бөлөх сырытта. Мунньахха барыта 27 олохтоох кыттыыны ылла.

Бастатан туран, бөрөлөөхтөр суол-иис боппуруоһун туруорустулар. Дотационнай рейстэр ханнык туһааннаах тэрилтэ хонтуруолугар баарын ыйыттылар. Маны таһынан, бензин сыаната күн-түүн ыарыы турара олохтоохтору эмиэ долгутар.

Тыа хаһаайыстыбатыгар балыктааһыҥҥа көрсөр ыарахан боппуруостарын туруорустулар, манна тустаах этиилэр киирдилэр. Аны тыа хаһаайыстыбатыгар өр кэмҥэ үлэлээбит булчуттарга, балыксыттарга биэнсийэ кээмэйэ тоҕо үрдээбэтин туоһуластылар.

Маны таһынан олохтоохтор таба иитээһинин боппуруоһун көтөхтүлэр. Хоту дойду биир суолталаах тыа хаһаайыстыбатын салаатын сайдыытын сөргүтэри туруорсан, саҥа арыллыбыт тустаах министиэристибэ дьаһаллары ылыныаҕа диэн эрэллэрин биллэрдилэр.

Тустаах ыйытыыларга отчуоттуур бөлөх састаабыгар киирбит салайааччылартан туһааннаах хоруйдар киирдилэр.

Ааптар: «Сайдыы суола» хаһыат.

Количество показов: 16



Возврат к списку