АММАҔА САХА СИРИН НОРУОТТАРЫН VII СПОРТИВНАЙ ООННЬУУЛАРЫН УОТА КЭЛЛЭ.

АММАҔА САХА СИРИН НОРУОТТАРЫН VII СПОРТИВНАЙ ООННЬУУЛАРЫН УОТА КЭЛЛЭ. | Администрация МР Амгинский район
26.06.2019
Количество показов: 48

   Амма сиригэр Саха сирин норуоттарын 7-с Спортивнай Оонньууларын уотун Мэҥэ Хаҥалас улууһун делегацията аҕалан туттарда. Саппыйа алааһыгар истиҥ көрсүһүү буолла. 
От ыйын 3-8 күннэригэр ыытыллар Саха сирин норуоттарын 7-с Спортивнай Оонньууларын уотун эстафетатын кыттыылаахтара бүгүн, эбиэттэн киэһэ, Амма кыраныыссатыгар кэллилэр. Уоту Мэҥэ Хаҥалас улууһун баһылыгын социальнай боппуруостарга солбуйааччы Николай Цыпандин кэллиэгэтигэр, Амма улууһун дэлэгээссийэтин салайааччытыгар Иванна Шишигинаҕа туттарда.

   Эмис нэһилиэгин олохтоохторо эстафета кыттыылаахтарын сахалыы сиэринэн көрсөн алгыс тылларын анаатылар, эҕэрдэ тылларын тириэртилэр. Саха норуотун тапталлаах поэта Күннүк Уурастыырап төрөөбүт Саппыйа алааһыгар үөрүүлээх түгэн бэлиэтэннэ. Эҕэрдэ тыллары Николай Цыпандин, Иванна Шишигина, Эмис нэһилиэгин баһылыгын солбуйааччы Дария Захарова, педагогическай үлэ уонна спорт бэтэрээнэ Иосиф Петров, музей салайааччыта Анна Устинова эттилэр. Ылбаҕай ырыаларын бэтэрээннэр “Көлүкэчээн”, дьахталлар “Далбар” ансамбыллара, сцена бэтэрээнэ Софья Соловьева бэлэхтээтилэр. Эстафета кыттыылаахтара Күннүк Уурастыырап музейын, «Мы из СССР» диэн ретро-быыстапканы сэргии көрдүлэр.

      Оонньуубут уота салгыы Сатаҕай, Алтан нэһилиэктэригэр сылдьан улуус территориятын барытын таарыйыа. Дьэ уонна от ыйын 3 күнүгэр Аммаҕа кэлэн, от ыйын 4 күнүгэр Оонньуулары үөрүүлээхтик аһыа.

Ааптар: “Амма олоҕо”.

 


Количество показов: 48


Возврат к списку
Обратите внимание

Другие новости текущего источника информации
Загрузка