АММА ПОЛИЦИЯТЫН СОТРУДНИГА ФИЛИПП АНТОНОВ ААН ДОЙДУГА ҮҺҮС ПРИЗЕР БУОЛЛА

АММА ПОЛИЦИЯТЫН СОТРУДНИГА ФИЛИПП АНТОНОВ ААН ДОЙДУГА ҮҺҮС ПРИЗЕР БУОЛЛА | Администрация МР Амгинский район
22.08.2019
Количество показов: 18

   Амматааҕы ис дьыала отделын сотруднига, полиция капитана Филипп Антонов Кытай народнай өрөспүүбүлүкэтин Ченду куоратыгар баран полицейскайдар уонна баһаарынайдар XVIII Аан дойдутааҕы Оонньууларыгар кытынна. Кини манна көҥүл тустууга 125 киилэҕэ 30-тан 40 диэри саастаахтар бөлөхтөрүгэр боруонса мэтээл хаһаайына буолары ситистэ.


...
“Бу Оонньуулар 4 сыл буола буола ыытыллаллар. Быйылгы Оонньуулар олус үрдүк таһымҥа Кытайга буолан ааста. Биһиги ыйааһыммытыгар араас дойдуттан 7 тустуук баар этэ. Бэйэм бөлөхпөр кыайаммын финалга тахсыбытым. Онно грузины кытта киирсэн очконан хотторбутум. Ол кэнниттэн үһүс миэстэ иһин монголу кытта тустубутум. Манна 2:7 очконан хотон үһүс миэстэ буоллум”, — диэн кэпсээтэ Филипп Афанасьевич.
...
Полиция капитана бу Оонньууларга бэйэтин суотугар барбыта. Талыыны ааспакка, сайтка киирэн регистрацияланан бараллар эбит. Саха сириттэн 11 сотрудник тустууга, 2 боксаҕа, 2 сотрудник чэпчэки атлетикаҕа күрэхтэспиттэр.

Филипп Афанасьевич ис дьыала отделыгар үлэлээбитэ ыраатта. ИДьО-ларын ортотугар ыытыллар күрэхтэһиилэргэ улууһун чиэһин элбэхтик көмүскээбитэ. Учаастактааҕы боломуочунайтан саҕалаан, билигин сокуоннай саастарын ситэ илик оҕолор инспекторынан үлэлиир. Икки оҕо амарах аҕата.
...
“Бу Оонньууларга баран кыттарбар күүс-көмө буолбут биир дойдулаахтарбар, бары өттүнэн көмөлөспүт дьоммор, доҕотторбор, бары аймахтарбар улахан махталбын тириэрдэбин. Бу кыайыыбын дойдубар, тапталлаах Аммабар аныыбын”, — диэн этэр аан дойду боруонса призера Филипп Антонов.
...
Ааптар: “Амма олоҕо” хаһыат.


Количество показов: 18


Возврат к списку
Обратите внимание

Другие новости текущего источника информации
Загрузка