БӨТҮҤҤЭ САҤА ОСКУОЛА КИИРДЭ

БӨТҮҤҤЭ САҤА ОСКУОЛА КИИРДЭ | Администрация МР Амгинский район
02.09.2019
Количество показов: 17

    Балаҕан ыйын 1 күнэ Амма улууһун Бөтүҥ нэһилиэгэр умнуллубат түгэн буолла. Бөтүҥ орто оскуолатын үөрэнээччилэрэ Билии күнүн саҥа таас оскуолаҕа көрүстүлэр.


   Үөрэнээччилэр, учууталлар уонна Бөтүҥ олохтоохторун үөрүүлэрин өрөспүүбүлүкэбит Ил Дархана Айсен Николаев үллэһиннэ. Айсен Сергеевич үөрэнээччилэри эҕэрдэлээн туран саҥа оскуолаҕа саҥа үрдэллэри дабайалларыгар, үрдүк көрдөрүүлэри ситиһэллэригэр баҕарда.
   Өр күүтүүлээх оскуола киирбитинэн күндү ыалдьыттарынан СӨ Бырабыыталыстыбатын бэрэссэдээтэлин солбуйааччы Ольга Балабкина, СӨ тутууга миниистирэ Павел Аргунов, Ил Тумэн дьокутааттара Руслан Федотов, Сергей Ларионов, Ил тумэн бастайааннай кэмитиэтин бэрэссэдээтэлэ Феодосия Габышева уо.д.а. кыттыыны ыллылар. Аалай лиэнтэни Ил Дархан Айсен Николаев, улуус баһылыга Николай Архипов уонна орто оскуола дириэктэрэ Акулина Иванова быстылар, оскуола аһыллыбытын кэрэһэлээтилэр. Айсен Сергеевич үөрэнээччилэри кытта оскуола таһыгар мас олорто.


   Бу күн үөрүүлээх кылаас чаастара, оскуоланы киллэриигэ бары үлэһиттэргэ махтал тылларын аныыр үөрүүлээх түгэннэр өрөгөйү өрө тутан бардылар.
   Оскуола аһыллыбыт үөрүүлээх түгэнин туһунан сиһилии «Амма олоҕо» хаһыакка ааҕаарыҥ.



   Ааптар: «Амма олоҕо» хаһыат.


Количество показов: 17


Возврат к списку
Обратите внимание

Другие новости текущего источника информации
Загрузка