Валентин Бурнашев – Россия үөрэнээччилэрин спартакиадатын призера

Валентин Бурнашев – Россия үөрэнээччилэрин спартакиадатын призера | Администрация МР Амгинский район
28.08.2019
Количество показов: 10

   Россия үөрэнээччилэрин спартакиадатын үһүс түһүмэҕэ Москуба уобалаһын Раменскай куоратыгар ыытылынна. Маннык күрэхтэһиигэ маҥнай өрөспүүбүлүкэ, онтон Уһук Илиҥҥэ бастыыр иһин күрэхтэһиилэргэ кыайбыттар кытыннылар.
   Көҥүл тустууга Н.С. Захаров – Сахаачча аатынан оҕо спордун оскуолатын иитиллээччитэ, Амма 1 №-дээх орто оскуолатын үөрэнээччитэ Валентин Бурнашев 48 киилэҕэ киирсэн, боруонса мэтээли ылары ситистэ. Бастакы эргииргэ кини Ленинград уобалаһын уола Билал Казимагомедовы 6:4 ахсаанынан кыайда. Онтон финал чиэппэригэр хапсыһыыга киирэн баран, Красноярскай кыраай уола Нарек Казаряҥҥа 4:8 ахсаанынан хотторон кэбиһэн, үһүс миэстэни быһаарсыыга Воронеж бөҕөһүн Денис Козубу хотон, Сахатын сиригэр боруонса мэтээли аҕалла.
   Санатан эттэххэ, Валентин Бурнашев Аммаҕа ыытыллыбыт Саха сирин норуоттарын VII спортивнай оонньууларыгар 48 киилэҕэ бастакы миэстэни ылан, Амма хамаандатыгар олус наадалаах очкону аҕалбыта. Валентины Аммаҕа бастакы тренерэ Кирилл Павлов, Р.М. Дмитриев аатынан Олимпийскай эрэл училищетыгар Павел Капитонов эрчийбиттэрэ, оттон билигин тренердэр Афанасий Адамов уонна Степан Скрябин дьарыктыыллар. Уолбут ситиһиитин иһин, Амма тустууга федерациятын бэрэссэдээтэлэ И.С. Климонтовка, Амма 1 №-дээх орто оскуолатын дириэктэрэ Н.А. Ларионовка, спорт оскуола дириэктэрэ Нь.В. Ивановка, „Амма“ ТХППК дириэктэрэ А.А. Черноградскайга, куруук көмө, өйөбүл буолар урбаанньыттарбытыгар И.В. Заровняевка, В.В. Максимовка, Р.Е. Федотовка, Л.Е. Куприяноваҕа улахан махталбытын тиэрдэбит.

Афанасий АДАМОВ,
Н.С. Захаров – Сахаачча аатынан оҕо спордун оскуолатын көҥүл тустууга сүрүн тренерэ.
Амма.


Количество показов: 10


Возврат к списку
Обратите внимание

Другие новости текущего источника информации
Загрузка