Тиксиилэр улахан кээмэйдээх тимир бөхтөн босхолонуохтара

Тиксиилэр улахан кээмэйдээх тимир бөхтөн босхолонуохтара | Администрация МР Булунский район
17.04.2019
Количество показов: 61

Бу сайын Тиксии бөһүөлэ­гин сириттэн-уотуттан тимири хомуйуу үлэтэ саҕаланара былааннанар. Айылҕа харыстабылын министиэристибэтэ иһитиннэрбитинэн, дьаһалга “Магма” тэрилтэ ылсар.

Улахан кээмэйдээх тимир бөҕү ыраас­тааччылар бу сайын Тиксиигэ кэлэллэрэ күүтүллэр. Тиэхиньикэлэрэ барыта бэлэм турарын Булуҥнааҕы Айылҕа харыстабылын инспекциятын салайааччыта Иннокентий Струч­ков этэр. Чопчулаан биэрдэххэ, Арктика  улуустарыгар бу маҥнайгы толору ыраастааһын үлэтэ буолуоҕа.

Российскай Фе­дерация  Президенэ  Владимир Путин  Арктика кытылын  бөхтөн  ыраастааһын,  бос­холооһун  бырагырааматын олоххо  киллэрбитэ. Онон ыытыллар үлэ бу дьаһал чэрчитинэн үбүлэниэхтээх.

Ааптар: Харысхан ПОПОВ

Источник: «Газета "Маяк Арктики"»

 


Количество показов: 61


Возврат к списку
Обратите внимание

Другие новости текущего источника информации