Арассыыйа күнүнэн!

12.06.2019
Количество показов: 26

Убаастабыллаах Ньурба улууhун олохтоохторо! «Ньурба улууһа» муниципальнай оройуон Дьаһалтатын уонна улуус Сүбэтин аатыттан Арассыыйа күнүнэн итиитик- истиҥник эҕэрдэлиибит! 
Бэс ыйын 12 күнэ - Арассыыйа суверенитетын күнэ. Саха Өрөспүүбүлүкэтэ Àрассыыйа биир улахан регионнарыттан биирдэстэрэ буолар, өр сыллар тухары судаарыстыба сайдыытыгар сүҥкэн кылаатын тэҥҥэ киллэрсэр.
1990 сыллаахха бэс ыйын 12 күнүгэр РСФСР народнай депутаттарын маҥнайгы сийиэhигэр РСФСР судаарыстыбаннай суверенитетын туhунан Декларация ылыллыбыта. 1992 сыллаахха бэс ыйын 12 күнэ Российскай Федерация Верховнай Сэбиэтин уурааҕынан бырааhынньык даататынан биллэриллибитэ, итиэннэ Арассыыйа тутулуга суох буолуутун Күнүнэн ааттаммыта.
1998 сыллаахха Борис Ельцин бэс ыйын 12 күнүн Арассыыйа Күнүнэн ааттыырга ыҥырбыта. Ол эрээри официальнайдык итинник аат, саҥа Үлэ Кодексын балаhыанньалара ылыллыыларыгар тоҕооhуннаран, олоххо 2002 сыллаахха эрэ киирбитэ.
Билигин Арассыыйа Күнэ биhиги норуоппут биир сомоҕо буолуутун кэрэhэлиир бырааhынньыга. Саха норуотун инникитэ Àрассыыйа сайдыытын кытары ыкса сибээстээх. Ол да иhин Арассыыйаҕа, Саха сиригэр араас итэҕэллээх элбэх омук бэрэстэбиитэллэрэ иллээхтик, эйэ- дэмнээхтик олороллор, айаллар-туталлар.
Баҕарабыт эhиэхэ таhаарыылаах уонна түмүктээх үлэни, кытаанах доруобуйаны, байылыат олоҕу, дьиэ кэргэҥҥэ үөрүүнү-көтүүнү, ситиhиилэри!

«Ньурба улууhа» МО баhылыга А.М.ИННОКЕНТЬЕВ.
Улуус Сүбэтин бэрэсэдээтэлэ С.И.ЕВСЕЕВ.


Количество показов: 26


Возврат к списку
Обратите внимание

Другие новости текущего источника информации
Загрузка