Ийэлэр күннэринэн!

Ийэлэр күннэринэн! | Администрация МР Вилюйский район
18.10.2019
Количество показов: 91

Күндүтүк саныыр күн күбэй Ийэлэрбитин Бүлүү улууһун эр дьоннорун аатарыттан итиитик-истиҥник эҕэрдэлиибит.

 Күн сиригэр Ийэ баар буолан киһи аймах төрүүр-ууһуур, дойдуну тутар- сайыннарар.  Ийэттэн саҕаланар дьиэ кэргэн  нус-хас олоҕо, дьиэ кэргэн олоҕуттан үөскүүр общество төрүт укулаата, дьон-аймах  сайдар-чэчириир олоҕо. 

1993 сыллаахха республикабыт бастакы Президенэ М.Е.Николаев “Ийэ күнүн” бэлиэтиир туһунан алтынньы ыйга анал ыйааҕы таһааран, ийэлэргэ былаас, общество өттүттэн ийэҕэ болҕомтону туһаайар кэскиллээх дьаһалы ылбыта. Бу  кэскиллээх дьаһалы республика общественноһа иилэ хабан ылан, сылын ахсын киэҥ далааһыннаахтык ыытар буолла. 

2011 сыллаахха, Бүлүү улууһа биир бастакынан республикаҕа Ийэҕэ сүгүрүйэр оҕотун илиитигэр көтөҕөн олорор ийэни дьүһүйэн, “Ийэ скверин” Бүлүү куоратын көстүүлээх сиригэр оҥорбута.

 2014 сыллаахха, Оройуон Сэбиэтин быһаарыытынан улууспутугар “Күн күбэй Ийэ” диэн анал бэлиэ олохтоммута. Маннык бэлиэнэн 52 ийэ бэлиэтэннэ.

 “Бүлүү герой ийэлэрэ” диэн кинигэни К.Е.Саввинова суруйбута бэчээттэммитэ.

Күн бүгүн улууспутугар  94 Герой  Ийэлээхпит.

Күндү күн күбэй Ийэлэр, эһигини “Ийэлэр күннэринэн" истиҥник эҕэрдэлиибит. Баҕарабыт   Эһиэхэ дьиэ кэргэн  үөрүүлээх,  дьолоох олоҕун, хаһан да ыалдьымаҥ, хомойумаҥ. Өрүүтүн эһигини  оҕолоргут, сиэннэргит, тапталлаах кэргэттэргит  таптыы, харыстыы сырыттыннар. Дьоллоох буолуҥ, күндү Ийэлэр!

Бүлүү улууһун муниципальнай тэриллиитин баһылыга Сергей Винокуров


Количество показов: 91


Возврат к списку
Обратите внимание

Новости