Ньурбатааҕы ДЮСШ: Улуу Кыайыы 75 сылын көрсө - 75 мэтээли!

23.10.2019
Количество показов: 273

Улуу Кыайыы 75 сылын көрсө, Ньурбатааҕы Оҕо спортивнай оскуолата быйыл бэртээхэй бырайыагы саҕалаабытын улуустааҕы физкултуура уонна спорт управлениетын салайааччыта Александр Максимов иһитиннэрэр. 
ДЮСШ-лар балаҕан ыйын 1 к. саҕалаан, кэлэр сыл ыам ыйын 9 к. диэри өрөспүүбүлүкэ, Арассыыйа уонна норуоттар икки ардыларынааҕы таһымнаах күрэхтэһиилэртэн улууска 75 мэтээли аҕаларга былааннаммыттар. Номнуо бастакы үтүө бачыымнар бааллар. Оҕолор Сочига дуобакка Бүтүн Арассыыйатааҕы турниртан мэтээллэрдээх кэлбиттэр. Монголия Улан-Батор куоратыттан көҥүл тустууга 3 уолбут норуоттар икки ардыларынааҕы турниртан мэтээллэри аҕалбыттар. Ыам ыйын 9 к. диэри бу курдук 75 мэтээли спортсменнарбыт аҕалыахтара диэн эрэнэбит.  
Атын тэрилтэлэри эмиэ ыҥырабыт, - диир Александр Максимов. - Кыайыы 75 сылыгар тоҕооһуннаран, бэйэлэрин эйгэлэригэр эмиэ маннык майгыннаах бырайыактары оҥороллоругар баҕарабыт. 
Улуус дьаһалтатын пресс-сулууспата.





Рубрика:  Общество
Регион:  Нюрбинский
Источник информации:  Администрация МР Нюрбинский район
Количество показов: 273
Рубрика: Общество Район: Нюрбинский Источник информации: Администрация МР Нюрбинский район
Дата публикации: 2019-10-23 23:04:04
Дата изменения: 2020-02-13 19:11:19 Опубликовано на сайте: СахаТаймс - информационно-справочный портал Республики Саха (Якутия)



Новости района: Нюрбинский 

Новости рубрики "Общество"
Компания Инфомастер

Возврат к списку